مش عارفة

والله مش عارفة وبقيت مش عايزة اعرف حاسة بقمة التشويش مافيش حاجة واضحة كل حاجة متلغبطة فى عنيا وجوه دماغى حاسة انى عقلى فى حالة صمت او لا مبالاة مش فاهمة حاجة ومتوقعة كل حاجة ومش مستغربة من اى حاجة مش فاهمة مين بقى فين ومع مين وليه وازاى وامتى و حاسة انى بكتب كلام مش مفهوم بس ده انعكاس لذاتى او يعنى اللى جوايا بجد عايزة افهمنى او استوعب اى حاجة مش عارفة حخرج من الحالة ديه ازاى او امتى بس حاسة انى فى حاجة حلوة جوايا بتقوينى زى نسمة هوا دافية فى ليلة شتا باردة بدفينى وطمنى انا بتأسف لأى حد حيقرأ الكلام ده بس ده فعلا اللى جوايا