وسط زحام المدينه
وسط زحام المدينه
وسط زحام المدينه تلقى وشوش كتير لئيمه ووشوش غادره وأثيمه ووشوش بالاخلاق متحليه ووشوش متعاليه ووشوش تانيه متطيه ووشوش مقهوره من الفقر مطحونه
وفى شارع المدينه تلقى وشوش حزينه ورجال اشبه بالعيال ورجال ضاع منهم الامان واصبحوا فى سوق المال عزال وانصاف رجال اصبحوا فى سوق المال حيتان
وفى زحام المدينه نلقى ابو عربيه فخيمه ونلقى ابو عمه وجلبيه ونلقى الست الشقيانه على عيلها وتعبانه ونلقى البت المستحيه ونلقى البت المتدريه من حقيقتهاومستخبيه ونلقى الشباب الجامعيه اللى على القهوه مترميه وفى شارع المدينه فى عيال زحمه وكتيره سريحه وعوطليه واميه وفى الفقر ليهم من السنين ميه وفى زحمه المدينه تلقى وشوش غريبه وعجيبه تلقى العجوز المتصبيه والحوريه اللى عامله ميه عمليه ايشى نفخ وايشى شد وكله فى المداريه وفى شارع المدينه تلقى الحبيب ابو عربيه وبياع الكلام وسارق الاحلام والحوارتجيه ونشوف فى اليوم من افلامهم الف وميه ايشى دراميه وايشى كوميديه
وفى وسط الزحام تتوه الاحلام وتصبح اوهام طايره فى دنيا حايره
وعجبى يامدينه..........
3 التعليقات:
بجد كلامك عجبنى جدا
ونفسى تشرفينى فى مدونتى التوضعة
تحياتى
الـــــــــحــــــا ر
اية يابنتى الحاجات دى كله
ميرسى جدا على تعليقق اللطيف
وبجدا توبيكاتك روعة
وياريت تشرفينى فى مدونتى المطوضعة
إرسال تعليق