مش عارفة

والله مش عارفة وبقيت مش عايزة اعرف حاسة بقمة التشويش مافيش حاجة واضحة كل حاجة متلغبطة فى عنيا وجوه دماغى حاسة انى عقلى فى حالة صمت او لا مبالاة مش فاهمة حاجة ومتوقعة كل حاجة ومش مستغربة من اى حاجة مش فاهمة مين بقى فين ومع مين وليه وازاى وامتى و حاسة انى بكتب كلام مش مفهوم بس ده انعكاس لذاتى او يعنى اللى جوايا بجد عايزة افهمنى او استوعب اى حاجة مش عارفة حخرج من الحالة ديه ازاى او امتى بس حاسة انى فى حاجة حلوة جوايا بتقوينى زى نسمة هوا دافية فى ليلة شتا باردة بدفينى وطمنى انا بتأسف لأى حد حيقرأ الكلام ده بس ده فعلا اللى جوايا

ثقافة الخيانة

لقد اصبحت الخيانة فى عصرنا اليوم فيرس سريع الانتشار وعادة اعتاد على ممارستها الكثير من البشر بل اغلبهم بل واصبحت ايضا ثقافة يجب ان تربى عليها الاجيال القادمة لكي يتجنبوا اثارها والامها ولكي لايقعوا فريسة لها فيجب على كل ام واب بل ومعلم تعليم النشأ القادم ماهية الخيانة والتي يتفرع منها معاني كثيرة مثل الغش والكذب والخداع وماالى ذلك من معانى مترادفة فالخيانة بمعناها البسيط هى عدم الامانة فنراها متجسدة فى العلاقات اليومية فالزوج يخون زوجتة بمجرد النظر الغير شريف الى غيرها والابنة تخون والديها بعلاقتها مع شاب فى صورة ارتباط غير رسمى والعامل يخون صاحب العمل بعدم التزامه بمواعيد العمل وماالى ذلك من صور متكررة فهل اصبحت الخيانة ثقافة حقا والاميين فى الخيانة اى الذين يعيشون بصفاء ضمير ونية بيضاء ولا يخونون ويراوغون ما مصيرهم هل يجب ان يتعلموا ان يخونوا ويخدعوا كى لا يتألموا عندما يخانو ام ان مصيرهم ان يتألموا ويزرفوا من الدموع انهار فهل الخيانة اصبحت شعار الانسانية ام أنها ثقافة العصر

ورجعت من اخر سفر

ورجعت من اخر سفر ليا رجعت ومعايا تسع شنط رجعت الاوضة بتاعتى لاقتها ضلمة فتحت النور وقفلت الباب وقعدت على مكتبى وفتحت الدرج لاقيت صور كتير كل صورة فكرتنى بناس كانوا قريب منى اوى وناس نسيتهم حتى نسيت اساميهم وناس وشها مألوف وفى وسط الصور لاقيت صورى ايام ثانوى قد ايه كنت فرحانة وكلى حماس وشوفت كمان صورى اول يوم جامعة ووسط الصور عديت عليا حياتى كأنها شريط سنيما شوفت ناس خدعونى وناس تانية حبونى وحبيتهم وفى لحظة لاقيت دموعى بتنزل منى مش عارفة ليه يمكن خوف على نفسى من اللى جى ولا يمكن مجروحة من اللى فات مش عارفة بس اللى انا عارفاه انى لسه تايه ومش لاقيانى مش عارفة الدنيا حتاخدنى لفين . فى الحقيقة الاوضة ديه ماكانتش اوضتى اللى فى بيتنا لا ديه ديه اوضة جوه قلبى فيها اسرار وحكايات كتير ومقفول بمفتاح معايا انا بس والتسع شنط اللى كانوا معايا دولت اخر تسع شهور عديت عليا وحصلى فيهم حاجات كتير .

اشتغالات فى الشات

دلوقتى النت اصبح جزء لا يتجزأ من حياتنا والحكاية اللى حاحكيها بتحصل كل خمس دقايق ويمكن اقل كمان مش حطول عليكم
البداية بنت دخلت شات رووم واتعرفت على شاب فاضى طبعا وعايز يسلى وقته ومش شرط خالص يكون عاطل ممكن يكون بيشتغل بس اشتغالات البنات بتجرى فى دمه زى مااشتغالات الولاد بتجرى فى دمها ومحدش شايف حد حنفرض مثلا ان البنت اسمها منى والولد اسمه احمد علشان يبقى فيلم عربى
احمد : ممكن اتعرف على صاحبة الاسم الحلو ده ؟
منى : طبعا
وطبعا تجر طبعا واتعودوا يكلموا بعض كل يوم وبعد كده الشات مش كفاية لا ده كمان تليفون والاشتغالة قلبت حب مرة و لازم طبعا يتقابلوا علشان يشوفوا حيعملوا ايه فى الحياة الوردية وديه تفاصيل المكالمة اللى قبل المقابلة بيوم
احمد : الو ياحبيبتى عاملة ايه وحشتنى كتير
منى : انت اكتر ياحياتى حبيبى عايزة اقولك حاجة بسيطة انا كدبت عليك فيها بس والله قبل مااحبك
احمد : قولى ياحبيبتى انا مقدر موقفك
منى : حبيبى انا اسمى الحقيقى رانيا وساكنة فى امبابة مش المهندسين
احمد : ولا يهمك ياحياتى انا اللى يهمنى الانسانة اللى حبيتها
منى: حبيبى الصورة اللى انت شفتها دية مش بتاعتى ديه صورة لاقيتها على النت فى الحقيقة انا لونى خمرى غامق
احمد: ولا يهمك ياحياتى المهم الروح اللى حبيتها
منى : انا مش بشتغل سكرتيرة تنفذية فى شركة سياحة انا بشتغل كاشيرة فى محل ملابس
احمد : انا بحبك واكيد حقدر كفاحك
منى : انا بحبك اوى يا احمد وصدقنى انا كدبت عليك علشان اشتغالات النت الكتير اصل بصراحة مش بحب الاشتغالات
احمد : انا مسامحك ياحياتى بس فى حاجة انا خبيتها عليكى وياريت تسامحينى
منى : قول بسرعة ماتقلقنيش ؟
احمد : انا شعرى خفيف وبحلقه على الزيرو بس قولتلك انى شعرى تقيل علشان انتى قولتى بتحبى الولد اللى شعره تقيل
منى : وليه كدبت عليا انا مش بحب الكدب ياخاين اعتبر كل اللى بينا انتهى
احمد : يامنى قصدى يارانيا
منى : ارجوك امسح رقمى انت برا حياتى من دلوقتى باى .

لاتلومنى

لاتلومنى لاتلومنى يامن قتلنى لقد جف الدمع فى عينى وفارقت الاحزان قلبى وعادت الى نفسى وغربت شمس ألامى واشرقت شمس امالى وفككت كل الاغلالى وحطمت الاسوار فاعلم يامن حطم فؤادى وطعن قلب احلامى باننى قد تركت جنه حبك المسموم وخلعت ثوب الشوق المسقوم فلاتلومنى يامن قتلنى لقد سقم قلبى هواك ورفضت عينى رؤياك فما عدت اهواك لانك دمع بلا احزان لحن بلا انغام قلب بلا وجدان فلا تلومنى يامن قتلنى لقد زرفت عينى من الدموع انهار حتى ايقنت موت حبك المحتوم وتحررت نفسى من قيد الهموم وافاق عقلى من الظنون فلا تلومنى يامن قتلنى

وسط زحام المدينه

وسط زحام المدينه
وسط زحام المدينه تلقى وشوش كتير لئيمه ووشوش غادره وأثيمه ووشوش بالاخلاق متحليه ووشوش متعاليه ووشوش تانيه متطيه ووشوش مقهوره من الفقر مطحونه
وفى شارع المدينه تلقى وشوش حزينه ورجال اشبه بالعيال ورجال ضاع منهم الامان واصبحوا فى سوق المال عزال وانصاف رجال اصبحوا فى سوق المال حيتان
وفى زحام المدينه نلقى ابو عربيه فخيمه ونلقى ابو عمه وجلبيه ونلقى الست الشقيانه على عيلها وتعبانه ونلقى البت المستحيه ونلقى البت المتدريه من حقيقتهاومستخبيه ونلقى الشباب الجامعيه اللى على القهوه مترميه وفى شارع المدينه فى عيال زحمه وكتيره سريحه وعوطليه واميه وفى الفقر ليهم من السنين ميه وفى زحمه المدينه تلقى وشوش غريبه وعجيبه تلقى العجوز المتصبيه والحوريه اللى عامله ميه عمليه ايشى نفخ وايشى شد وكله فى المداريه وفى شارع المدينه تلقى الحبيب ابو عربيه وبياع الكلام وسارق الاحلام والحوارتجيه ونشوف فى اليوم من افلامهم الف وميه ايشى دراميه وايشى كوميديه
وفى وسط الزحام تتوه الاحلام وتصبح اوهام طايره فى دنيا حايره
وعجبى يامدينه..........

عاشقة الذكريات